My secret place

今日有篇超野笑新聞, 由Iris提供(Thank you!)

英國富婆下嫁海豚 約會15年 碼頭行婚禮

【明報專訊】以色列報紙周四報道，41歲英國猶太裔女百萬富翁滕德勒與31歲以色列雄性海豚辛迪培養出真感情，每年往以色列探望牠3次，15年來風雨不改，最近終於獲准「下嫁」海豚，周三在以色列南部旅遊勝地埃拉特舉行「婚禮」。
每年兩三次會「甜心」
海豚「新郎」辛迪是埃拉特海豚礁的住客，與來自倫敦東部雷德布里奇的滕德勒於15年前相識。滕德勒是搖滾樂演唱會監製，首次看見辛迪就「一見鍾情」。自此，她每年都到以色列兩三次，探望她在水底「甜心」。她在婚禮後說﹕「水底的寧靜和辛迪的愛使我平靜。」經過10幾年「愛情長跑」，滕德勒決定「下嫁」辛迪。
新娘﹕我是最快樂女人
她上周向辛迪的訓練人齊爾伯提出結婚要求，齊爾伯於是去「和那家伙（辛迪）談談」，並獲「答應」。
周三下午，激動的新娘穿著白色婚紗，在數百名驚訝的遊客面前走向碼頭，在「新郎」前跪下。辛迪在「伴郎們」陪同下游向滕德勒，新娘抱了新郎一下，對牠的噴氣孔「耳語」說﹕「我愛你。」然後親吻新郎。
滕德勒其後被朋友拋入水中，好讓她與「丈夫」一同暢泳。新娘強忍歡欣淚水說﹕「我是全世界最快樂的女人。我讓夢想成真。」她強調﹕「我不是變態的。」
德通社/ynetnews/英國太陽報

最搞笑係條海豚識講'I do', 如果個富婆死先, 咁條海豚咪好有錢?@@ 唔知點解個富婆會睇中條海豚呢?

Lego 係點o黎？
答案：1910年，Lego o既創辦人本來係想開公司起屋o既，點知o係1930年經濟大衰退,冇人有錢起屋，但係玩具模型屋就大受歡迎，所以佢就索性 賣玩具屋喇！！！！

凍 o既時候點解起雞皮呢？
答案：遇到寒冷而「起雞皮」是一種動物本能。動物通常全身都長有毛，其實人類除了口唇、手掌和腳皮外，都長滿毛和髮，只不過 沒有動物那麼濃密罷了。
遇冷時，大腦的自主神經便會通知皮膚毛髮下的肌肉，引起收縮，帶起D「豎毛肌」(erector muscle), 毛髮便會豎起， 這種現象就是「起雞皮」了。
「起雞皮」的目的是減低身體熱量的散發，因為當毛髮豎起時，便會增加身體與 外界的私人空間 (private zone)，原理相等於我們遇冷時穿外套，厚厚的外套同樣會增加身體與外界的私人空間，而其中的空氣可協助保存溫暖， 這樣就可以減低體溫散發。

豆腐干係點黎o既呢？
答案：春秋戰國時期，魏國有位大將軍（龐涓）嫉妒佢o既同學 （孫臏）o既才華，成日都想辦法去陷害佢。之後魏國大將軍借魏王o既刀砍掉o左o個位同學o既膝頭骨。孫 臏知道係龐涓想置佢於死地之後，唯有假扮成瘋瘋癲癲咁，以便早日離開魏國回到齊國。當時有個賣豆腐o既少年小福，佢好有正義感，每日都偷偷送豆腐俾孫臏，小福 怕俾大將軍知道，就將 D 豆腐壓 o係石頭之下 。
久而久之，孫臏發覺被壓 o係石頭下o既豆腐乾o左但味道好鮮美。後o黎孫臏被齊桓公救番去齊國，仲話俾齊王知，原來用石頭壓住乾豆腐好好食，於是齊王派人叫小福 o黎到齊國，要佢做豆腐干再加其他料去煮同腌製，味道果然好味由於做豆腐干費用唔高， 所以好快全國就流行起o黎喇 ！！！！

「狗仔隊」呢個名係點o黎 ?
答案1：狗仔隊原為意大利文 "Paparazzi"，首次出現o係1958 年，被正式翻譯名為《追蹤攝影隊》。1960年，意大利導演費力尼o係電影《甜美生活》入面 ，男主角 係八卦新聞記者，經常出入上流社會，為搵題材而想盡方法去達到。1963年，導演費力尼o既《八部半》再度出現八卦新聞記者角色，亦艾奠定o左 "Paparazzi" o既形象 。
答案2：但中文翻譯o既「狗仔隊」，就係香港人所開創。 原因o係50 年代，香港警察刑事科擅長追蹤案件，以跟蹤、竊聽o既調查方式聞名，呢 D 便衣刑事偵察員（俗稱O記）外號「狗仔隊」， 取其似狗仔咁擅於利用靈敏o 既嗅覺去追蹤獵物。
之後呢種調查追蹤方式被香港記者發揚光大，而呢 D 記者每次行動都需要一群人去追蹤、守候，所以亦被統稱為「狗仔隊」喇！！！

05年頭大家都為南亞海嘯的災民感到傷心，即使(touch wood)自己認識既人都平安，但係都感到大家在最開心既聖誕假期，變成最痛苦，痛失至愛既一日那種悲傷。至今05年尾了大家都覺得已成過去，但係其實還有很多失蹤者（死者）屍骨都尚未找回……..
05年對大家既震撼還有全球首單BT入罪成立既案件在香港發生，令到大家都絕跡forum, 禁絕BT (少ｄ^^)
05年對自己：由一個剛過probation既small potato, 變成依家雖然未能擔當重任，但係都叫做真正係一個Marketing Executive(雖然我覺得阿妹唔當我係，因為佢成日都在自己位叫我，幫佢手好似應份咁。)　都依家在公司差一個月就年半了，感到既灰心失望…….
哈, 仲有識左個住在英國既小美女Grace ^^, (不過我公司都好多美女, 請大家俾d相我upload^^)









06年希望：
1) 現在已經在找新工作，希望快ｄ獲得interview既機會.在另一間新公司希望搵到我想做既野。2) 一直都想pick up返ｄ日文，但都冇時間學，所以希望轉工後，會走去學返。
3) 同bf已經好sweet sweet la, 咁我唔要求太多，只要keep住就得啦.
4) 想搵返ｄ好耐冇聯絡既朋友，雖然人地未必願意同你聯絡。
5) 希望Yuki肯還返ｄ錢俾Meleny, 雖然我覺得件事都唔係好關我事，但係當時我個都識，而且我覺得爭人錢, 由澳洲到返來香港仲要兩年好唔o岩.><
6) 希望Meleny返澳洲搵到自己想做既工作可以留澳洲過新生活, 仲有找到佢既partner.
7) 妹妹明年畢業希望佢俾多ｄ家用，咁我就可以儲錢讀Master. (因為佢一入職就月入$18,000)

平靜既一日, 今日冇俾人炳. hehe
阿姐返來似乎心情幾好, 又請食政治飯, 又有人情蛋糕. 好飽!
昨日阿妹sick leave, 今日見佢寫病假紙同隊長問佢點, 先聽到佢睇氣功@@武林人士要運氣療傷? 食飯果陣我就問佢, 你睇咩? 佢話佢以睇暗瘡, 皮膚敏感, m痛都得, 太神奇啦掛, 摸下就可以療. 我真係有懷疑, 中醫, 針灸我都信d, 有physical evidence. 氣功真係無咩證據, 而且佢仲話果個醫師只睇熟人, 唔熟唔睇, 咁佢話病果日佢做咩都冇人知啦. 佢仲話知道藥房可以買醫生紙, 呢d野我真係未試過, (但係依家我自己可以印幾多張都得^^) 佢連價錢都知, 好明顯佢就做過啦. 最搞笑係佢話佢以前d暗瘡好似Vivan咁勁, 睇左氣功就好返啦. (Vivian快d去俾伯伯摸下啦:D) 我覺得好難相信. 佢今日又話病唔係咁好胃口食唔多野, 但係呢佢又猛食魷魚, 話飽又食到好多野, 仲多過我.>o<佢仲short short地問阿姐可唔可以申請pack貨果日著牛仔褲,波鞋. 人地果d做咁耐都冇嘈過, 佢講咩呀. 佢著牛仔褲咪等於冇著咁, 又係低腰露pat啦.><
佢平時個電話已經振得好大聲, 今日仲勁左, 連阿姐都有聽到同佢講.hehe
今日佢當自己响屋企咁, 拎住過電話响公司行. 食完件cake整污糟左張枱, 又走左去唔抺.....成日又話Carol D野亂, 其實係佢冇睇過, 收晒响下面啫, 搵唔到就唔搵問我拎....我邊有咁多俾佢呀, d野佢有架, 自己搵下啦.
仲成日去toilet仲鬼死咁耐, 今日就去左十五分鐘左右........我地之前都懷疑佢食煙, 但係又冇味, 究竟佢做d咩呢咁耐.....

今日放假後第一天返工, 很多人仍在放假, 很靜! 見有點比較空閒的時間就清理桌上日績月累的文件, 遇然下找到以前print出來的座佑銘, 以前工作不開心, 就會看一看, 感覺舒服了再繼續工作. 現在再看也覺得說得對, 既然這裏沒人欣賞我, 那總有地方會有someone吧!

人生是自己的
快樂，是純粹自然的產物，
是自己百分百支持自己、肯定自己的禮物
沒有了自我，一切的快樂都是虛偽的假象
即是人家批評你、否定你、攻擊妳，
也不代表你的自我受到否定，
唯一能否定你的人，只有你自己

因此，那些經不起人家批評，
人家說一句，就要難過三十天，
人家說兩句就要打人翻臉的人，
事實上是對自己極端沒信心的表現。

當然了！這種容易跟人家「批評」起舞的人，
注定要跟快樂說拜拜
只要有人的地方就有是非；
只要人家有嘴巴，就會有意見和批評
想快樂的人，就不要太「鳥」別人的批評

再者，太在意別人想法的人，不僅不能快樂，
也容易失去自己的特色和個性，
更沒辦法發揮自己的潛能。

總之，嘴巴是別人的，人生是自己的，
有習慣性被人家嘴巴「虐待」的人，
請用左腦右腦想一想： 『為什麼我要當人家嘴巴的奴隸？為什麼要這麼 在乎 別人的想法呢？』 只要你想通了，你就擁有快樂的自主權了！

人不是魚，怎會了解魚的憂愁。
魚不是鳥，怎會了解鳥的快樂。
鳥不是人，怎會了解人的荒唐。
人不是鳥，怎會了解鳥的自由。
鳥不是魚，怎會了解魚的深沉。
魚不是人，怎會了解人的幼稚。
你不是我，怎會了解我。　　 / 幾米

今天是長假的最後一天了, 又點不捨, 真想繼續放下去, 今日又努力send了幾封CV, 真希望新一年有新工作.
今天去了Bobbi Brown收修眉, 不錯, 下次可以自己修了, 便宜很多. 今個聖誕已經用了很多錢.....><
今個星期都應該還很free吧, 大家還有放假feel, 下星期又多一天假期了, 不過下年得6個月有假期呢真少, 希望早日找到一份返五日, 有14日annual leave的工作吧.

其實住响Lamma Island幾好, 空氣好, 環境舒服, 又平, 係交通唔方便d啫.
我同bf 24日入去住左一日, d view好靚.
洪聖爺灣沙灘旁，有海風吹著，好relax，走過一個小田園，看到Herboland（香草園）的木招牌，園內種滿各種花茶若遇上當季的花茶，更可即採即沖來喝，好fresh。我飲左一杯接木骨花茶，我bf飲左個甜羅勒－令我諗起泰國菜果ｄ Basil牙膏味菜，不過好醒神。
建興亞婆豆腐花在榕樹灣後街，知佢出名所以點都要食下，d 豆腐花真係好滑，ｄ豆漿就清ｄ冇咩味（對我來講）。
海景民豐海鮮酒家ｄ海鮮真係好正，好好味，最正係果個蒜茸牛油焗中蝦，ｄ牛油真係好香.......對住個海景食海鮮真係好好feel, 感覺特別好味ｄ.

晚睇到Jones透過Simon俾我地呢ｄ ex- colleague既Christmas card, very beautiful. Thank you!唔知佢依做成點呢??
今日去南丫島玩，excellent, 不過未知點，詳情明日寫啦．

不過我今日要返工><仲要幫手pack野.....阿妹條褲呢真係大開眼界.....超低露左半個pat出來，隊長走埋去同佢講叫佢著返件外套遮遮啦，點知pack pack下佢又除返出來，又俾我見到佢果半個月光，月光就算啦．佢一轉身向返前面，就俾我睇到ｄ更唔應該睇到既野 - hair, so ugly. 好心佢明知今日pack貨就著高d，一係搵件衫遮一遮啦. 我夠熱啦，知自己今日低胸都著返外套遮．撞鬼囉睇到ｄ咁既野......><
收工果陣阿姐話30日請我同阿妹食lunch, 又玩政治飯, 真係唔想食......

難得找到一張有阿妹既相(右面果位)

今日放假前夕, 原本話七個人食既, 點知阿妹佢真係short short地, 話帶左飯但係同我地一齊食....咁算啦, 我地分工落去買野, 佢話要去銀行咪去囉, 我都叫佢唔好食住等埋我地, 我返到去佢條友已經食緊飯, 咁咩一齊食啫........咁我地咪成班入B房食囉, party time我地lunch就食KFC買左個$168餐, 嘩, 我們用DBS咭俾錢, 每六十蚊送多兩個楓糖葡撻, 一俾就多左六個, 兩大盒薯隔, 仲有一個飯, 佢到45分先入來, 我地都差唔多食完啦.食到好飽, 好飽......最後仲要玩Hammer, scissors, stone, loss果個要食, 最後某幾個人輸得俾較慘烈, Sindy, 我, 有排食.
當我地在msn勁話飽既時候, 不經不覺就5:30要食埋個cheese cake, 許經理請我地食cheese cake, 我狼吞虎嚥咁食左一個就走啦. 因為book左去Bobbi Brown化妝^^Vivian食完都join我, 因為佢想買Concealer, but冇貨....不過我地都買左好多野先走. 我買左個Concealer連碎粉, foundation, 化妝掃.^^好開心.

人身體邊個部位o係興奮時會漲大7倍？
答案： 瞳孔

「大富翁」點o黎？
答案： 當時美國經濟大蕭條，一個美國人為o左想D窮人可以懷勉以前D好日子，於是就發明o左「大富翁」遊戲出o黎，比佢o地沉醉o係富貴當中。

乜東東個「東東」點o黎？
答案：相傳以前怪獸o黎搗亂，D人唔知佢係乜o黎，只係知佢係o係東邊走過o黎，所以就叫佢做「乜東東」。

聖誕食火雞呢個習俗點o黎o架呢？
答案1：
據說o係300幾年前，大批英國人移民到美洲大陸，由於當地物資貧乏，慶祝節目都冇多餘o野食去食，唯有當地滿山都係野生火雞，所以o係1620年o既聖誕，當地居民就捉呢D肥大o既火雞，烤熟後作為慶祝聖誕o既主食，之後火雞就成為美國聖誕同感恩兩大節目o既必備食品。
答案2：
古時o既聖誕節，西方國家都會以大量烤肉作為祭品獻比神，以求來年豐衣足食，而17世紀o既英國皇帝King James I由於腸胃唔好，於是要人用較健康o既火雞作為祭品，間接推動o左食火雞o既傳統。

聖誕節點解會有掛聖誕襪o既傳統？
答案：好耐之前有一位善良o既貴族，佢妻子病逝後，剩低佢同3個女兒生活；由於呢個貴族嘗試過唔少發明，但都失敗，所以令佢冇o左一大筆錢。佢o地一家迫於無耐之下搬去農舍度生活。之後，3個女兒到o左出嫁年齡，但由於呢個爸爸冇錢比女兒做嫁妝，佢變得更加沮喪。有一晚，女兒洗完衫之後，將長筒襪掛o係火爐前烘乾，聖誕老人知道o左佢o地o既境況之後，就o係晚上，趁佢o地（目訓）著o既時候將3小包黃金從煙囪上投落去，剛好掉到o個D長筒襪度。第二朝，女兒發現佢o地D襪裝滿晒黃金，足夠比佢o地做嫁妝。呢個貴族終於睇到佢D女兒結婚，仲過住幸福快樂生活添。後來，世界各地o既小朋友都爭相仿傚，o係聖誕夜會掛上長筒襪。

聖誕節點解要有擺放聖誕樹呢個習俗？
答案：16世紀，德國已經有聖誕樹出現。德國人都鍾意o係聖誕節砍一棵松柏樹返屋企做聖誕裝飾物。後o黎德國人馬丁路德開始將點著o既蠟燭於o係樹林中o既樹枝上，令佢o地睇起o黎似引導人到伯利恆o既星星。呢個習俗更漸漸傳入歐洲同美國，以至全世界。另一個傳說係關於一個善良o既農民。o係風雪交加o既聖誕夜，呢個農民接待o左一個饑寒交迫o既小孩，仲比佢食o左一餐豐富聖誕晚餐。o個個小孩臨別o個日將一支樹枝插o係地上，樹枝立即長成大樹，佢仲指住呢棵樹對農民講：「每年今日，樹上都會長滿禮物，以報答你對我o既恩情。」所以，今日有一D聖誕樹小飾物，都會有D小禮物。

今日好凍得十度,又著到好似滑雪咁返工.....
今日早放一個鐘到4:30好過冇啦,而且又提早出糧, 真係高興!
不過阿姐今日返來又發癲, 唉, 幾時先可以離開呢個地獄???
希望快d到Christmas la....明日我地自己搞party (食KFC咋)有Simon, Vivian, Kawaii, 小朋友, 阿妹, Sindy和我,公司都唔會搞呢d野,又冇party,又冇春茗,又冇年飯.....百冇.
今日阿妹問左個好低B既問題, 我好心邀請佢同我地食,佢問我叫唔叫埋Eva. Oh no!搵佢來做咩呀, 醒少少啦, 叫佢搞串個party咩....佢飲淨心得啦, 呢d野留俾後生仔女玩得架啦.
各位冬至快樂!

今日同Carol,寶寶,Vivian,Simon去左食有骨氣,原本仲約埋有小朋友同江小姐.點知一個話冇錢,一個要返學.大家一直以為係紅隊口有個大煲果間, 點知Carol以為香港仔隊道果間, 但係冇大煲囉. 大家溝通上都有d問題.....到last mins先知大家以為果間唔係Carol講緊果間.
依家呢d天氣食火鍋十下十下最好,冬天係要一班人十下十下既.
d 野食好特別有水晶甘薯、奶皇飽, 兩款都好好味.仲有墨魚麵同咖喱雞麵好爽口.
d 小籠包可能我太心急,第一粒食既時候一pat野,仲有粉, 第二粒又OK喎.
d 肥牛都好夠軟滑,不過可能係我卓得比較生.^^
大家都食到飽.....
因為食得太飽, 好驚訓過站, 所以搭101去觀塘轉車, 而且又快d,返到去第一時間緊係開電腦, 點知Vivian已經返到屋企.Carol又係住最返返屋企最遲果個.

我地咁鐘意食甜品，呢ｄ真係要小食，食完即肥死。

十 大 差 勁 甜 品

對 很 多 饞 嘴 的 人 來 說 ， 甜 品 才 是 一 餐 的 戲 肉 ， 不 少 人 更 把 甜 品 當 正 餐 。 甜 品 令 人 愈 吃 愈 想 吃 ， 但 許 多 甜 品 壓 根 兒 沒 營 養 價 值 ， 脂 肪 和 糖 份 含 量 高 得 驚 人 ， 甜 品 所 含 的 脂 肪 更 大 多 是 飽 和 脂 肪 。 抵 受 不 了 甜 品 的 誘 惑 ？ 除 少 吃 多 滋 味 外 ， 可 避 免 吃 「 差 勁 甜 品 」 。 以 下 是 《 福 布 斯 》 雜 誌 列 出 的 十 大 「 差 勁 甜 品 」 。 　 《 福 布 斯 》 雜 誌

1. Death By Chocolate 　 美 式 朱 古 力 蛋 糕
含 1,226 卡 路 里 ， 當 中 584 卡 路 里 來 自 脂 肪 ， 誰 吃 它 誰 就 為 它 死 。 吃 下 一 份 Death By Chocolate 「 為 朱 古 力 亡 」 蛋 糕 的 人 ， 代 價 是 整 天 在 健 身 室 做 運 動 ， 至 少 踏 幾 回 單 車 機 ， 才 能 燃 燒 朱 古 力 醬 汁 、 糖 份 和 脂 肪 所 含 的 熱 量
2. Apple Crumb Pie 　 蘋 果 批
不 要 以 為 有 蘋 果 成 份 就 有 益 ， 蘋 果 批 含 751 卡 路 里 ， 265 卡 路 里 來 自 脂 肪 ， 因 為 做 批 材 料 均 造 就 一 份 肥 膩 甜 品 ， 含 大 量 糖 份 和 牛 油
3. Chocolate Cheesecake 　 朱 古 力 芝 士 蛋 糕
含 713 卡 路 里 ， 441 卡 路 里 來 自 脂 肪 。 芝 士 蛋 糕 ， 用 芝 士 製 成 ， 但 不 要 忽 略 牛 油 、 糖 、 忌 廉 芝 士 、 朱 古 力 、 忌 廉 和 rum 酒 ， 全 都 是 糖 份 和 脂 肪 含 量 很 高
4. Carrot Cake 　 甘 筍 蛋 糕
含 682 卡 路 里 ， 380 卡 路 里 來 自 脂 肪 。 不 要 以 為 以 甘 筍 製 成 就 是 健 康 食 物 ， 其 實 它 是 以 粉 、 糖 和 油 製 成 ， 脂 肪 含 量 很 高 ， 無 營 養 價 值
5. Strawberry Shortcake 　 士 多 啤 梨 酥 餅
含 584 卡 路 里 ， 298 卡 路 里 來 自 脂 肪 。 與 其 吃 整 個 酥 餅 ， 倒 不 如 只 吃 士 多 啤 梨 和 攪 打 忌 廉 來 得 健 康 ， 連 同 糖 、 牛 油 和 酥 餅 一 併 吃 進 肚 ， 只 會 令 腰 圍 加 碼
6. Banana Split 　 香 蕉 船
含 555 卡 路 里 ， 275 卡 路 里 來 自 脂 肪 。 千 萬 別 以 為 用 新 鮮 生 果 製 成 就 很 健 康 ， 香 蕉 表 面 淋 上 的 糖 漿 糖 份 和 脂 肪 含 量 很 高 ， 雪 糕 更 對 消 化 系 統 無 益
7. Key Lime Pie 　 青 檸 批
含 520 卡 路 里 ， 251 卡 路 里 來 自 脂 肪 。 雖 然 叫 青 檸 批 ， 青 檸 汁 份 量 很 少 ， 反 而 以 糖 、 忌 廉 和 消 化 餅 批 皮 主 打 ， 無 益
8. Bread Pudding 　 麵 包 布 甸
含 487 卡 路 里 ， 230 卡 路 里 來 自 脂 肪 。 白 包 完 全 沒 營 養 價 值 ， 加 上 大 量 糖 、 牛 油 和 全 脂 牛 奶 ， 飽 和 脂 肪 和 卡 路 里 含 量 甚 高
9. Peach Cobbler 　 蜜 桃 批
含 452 卡 路 里 ， 146 卡 路 里 來 自 脂 肪 。 蜜 桃 已 甜 ， 混 入 糖 漿 更 甜 ， 加 入 人 造 牛 油 和 粉 ， 吃 得 多 ， 小 心 褲 子 不 合 穿
10. Tiramisu 　 意 式 芝 士 蛋 糕
含 442 卡 路 里 ， 140 卡 路 里 來 自 脂 肪 。 Tiramisu 在 意 大 利 語 有 「 拉 我 起 來 」 的 意 思 ， 但 以 芝 士 、 蛋 糕 、 糖 、 可 可 和 忌 廉 製 成 的 甜 品 ， 吃 得 多 肯 定 肥 死

大家記住忍口，切記少呢ｄ，好恐佈super fat!!!

雖然套戲既評價唔係咁好，不過我就覺得以香港質素來講唔錯。
呢首歌係戲入面既其中一首。如果想resign聽真係幾啱。^^

外面 The World Out There - 周迅
外面的世界很精彩
我出去會不會失敗
外面的世界特別慷慨
闖出去我就可以活過來

留在這裡我看不到現在
我要出去尋找我的未來
下定了決心改變日子真難捱
吹熄了蠟燭願望就是離開

外面的世界很精彩
我出去會變得可愛
外面的機會來得很快
我一定找到自己的存在
一離開頭也不轉不回來
我離開永遠都不再回來

我成日都大頭蝦, 搞出好多笑料. 所以知道自己係一個迷糊大王.
上次整蛋糕, drop晒note, 仲要係最齊果個. 但係一開始整就換轉左落d蛋黃同蛋白.
我成日都好好多瘀傷, 好多都唔知幾時整到, 昨日又整左一野, 盲中中一野撞茖枱角度, 好痛....
星期四果日interview在灣仔, 去既時候冇問題, 走既時候諗住搭巴士, 其實只要搵到電腦商場我就識行架啦, 點知我行左雙反方向去左稅務大樓果邊, 仲要唔知點行返去, 電話求救, 要我男友蛇落來, 帶我搭車........
上左車諗住冇事啦, 自己又笨, 買左杯hazenut latte, 諗住响架車度飲, 架車响度行緊, 我又响度開野飲, 搞到濺左d咖啡响我件衫同個袋度......件褸我新買架, 第一次著就俾左杯咖啡, 好在都洗得到咋.
其實, 我要幾時先改到呢, 好多野都自己大頭蝦, 做錯晒.................><

隋朝個隋字點解唔用「隨」？
答案1: 因為有個大臣叫皇帝除o左個「辶」，原因係佢認為「辶」係代表人民，「水能載舟，亦能覆舟」皇帝就驚有人民反佢，所以就唔用「辶」o勒！ （但亦有網上聽眾亞輝提供答案2）
答案2：
北周宣帝時期的政治腐敗，民不聊生，社會矛盾激化，導致統治集團內部的分裂，給楊堅為首的漢人將領奪取政權的機會。 580年，周宣帝病死，繼位的周靜帝年僅八歲，以大丞相身份輔政的楊堅，從而控制了北周的軍政大權。相州（今河南安陽）、鄖州（今湖北安陸）、益州（今四川成都）等地的總管曾先後舉兵反對楊堅，都被楊堅所平定。581年，楊堅在消滅北周殘餘勢力後，以「受禪」為名，廢周靜帝自立為帝，國號為隋，改元開皇，仍然定都長安。楊堅就是隋文帝。 因為楊堅原為隨國公，但「隨」字的「辶」意思有忽走忽停不穩定之意，於是他便棄了「辶」，創了「隋」這個新字作為王朝之名。


超合金點解叫超合金？
答案:當年日本要幫一款機械人出玩具，但o岩o岩石油危機，塑膠價格上升，要改用合金製造；但係為o左諗一個勁D o既名，咁o岩o係卡通《鐵甲萬能俠》入面有種原料叫「超合金」於是於用呢個名出一款玩具，之後大受歡迎，所以，以後就一直用返呢個名o勒。


肥皂係點o黎o架呢？
答案: 5000幾年前，古埃及一個幫國王煮飯o既廚師，有一日唔小心將一盆油倒瀉o左o係D炭灰度，當佢趕忙執拾之後就去洗手，發現雙手洗得特別乾淨。於事佢拎呢D沾o左油o既炭灰去比其他廚師用，效果都係一樣。國王知道之後即刻叫人仿製，就成為肥皂o既雛形。 到公元70年，羅馬帝國學者普林尼，第一次成功用羊油同草木灰制成肥皂，後o黎傳到英國女王伊利沙伯一世，下令大量生產肥皂。再之後國化學家用電解食鹽o既方法去令做肥皂o既成本大大降低，肥皂至漸漸比到大眾使用。

今日放工去IFC食新開既Crystal Jade食拉麵, so far so good la. 之後行左一陣就去左金鐘因為今日買左優先場睇'哈利波特', 對於冇睇開哈利波既人來講, 係唔會明白佢既魔力. 係睇開既人睇完書都會好想睇電視版, 因為好多野靠幻想都不足夠. 特別今次呢集連我bf都話好睇, 一d悶場都冇.
龍、人魚、仲有最其待既佛地魔都出現啦. 好刺激, $75一套戲都值得睇.
睇完戲去左Great food Hall - higher class D 既 supermarket行, 同食野. 入面有問Triple O D fast food 好好味, 同McDonalds's冇得比, 佢個 bun 係handmade , beef, chicken 係Australia, sauce好好味, 唔係平時d mayo, thousand Island. 在食野既呢個時候, 我阿媽打俾我問我响邊, 我答佢金鐘, 佢叫我千萬唔去灣仔, 依家好危險. 後來我睇新聞先知, 原來衝突升級, 變成混戰.......講真呢幾日雖然唔知佢地搞咩, 但係我覺得佢地好守禮貌同法規. 但係昨日既我有點失望.......
我明白佢地想d咩, 呢個世界係冇公平既, 你要發展咪唯有出自己既國家同人民既幸福囉. 你地努力咁士威左咁多年, 有冇效用呀? 你地既行動根本唔會去到果班外國高官度, 只會令港人好驚, 多日既形象都冇晒.
食完, 响supermarket都買左包Bacon因為想起某人買左, 自己又想買來回味下, 其實前一日都買左 black peper turkey breast. 最喜歡食呢d ham夾三文治^^

今日又俾阿姐炳啦, 雖然我覺得佢做得冇錯, 但係都會upset.
事件1) 香港mkt之前話轉一堆十全十美盒, 填左轉紙, 但係我唔記得左叫台灣pack過來.....
事件2) 香港mkt之前話轉三張馬術cert. 我見ICS 2000有咪冇check囉, 點知原來我地訂到剛剛好 10 medals, 10 box, 10 cert冇得轉既......我都係被ICS2000誤導啫, 又叫我自己搞掂, 點搞呀, 咪唯有同Zara講我地都冇囉......
原本諗住今日OT架, 唔開心對佢耐d都唔想, Sharp leave. 之後去左做平事唔開心去做既野 - 飲酒.去左citysuper買左支Villina Mudshake, 雖然唔係出去飲, 不過飲左酒都覺得個人鬆d. 之後仲買左KFC明知自己病左, 都照買, 放中下自己.^^
唉, 好想快d走, 佢對住其他人都可以有講有笑, 對住我呢就木口木面, 最近佢自己又霸晒d野做, 我覺得我自己係時候走人................

今日為左interview請左日病假, 都可以話呃既, 因為我日日都病差在幾時睇醫生啫, 咁今日又真係個頭好痛, 又有暈咁咪順便睇埋囉.^^
今日interview去駱克道開頭好驚架, 係驚d南韓抗議人士, 因為咁好彩封左呢條路 , 好在都冇事. Interviewa過程好快, 填完Resume, 就做左個face to face interview問左好多野, 包括ICL既野, 我覺得自己都答得OK, 依家唯有等佢俾電話我做2nd In啦, 希望有消息啦, 不過都應該係Christmas之後......
今日睇電視先知d南韓人or 其他countries既人點解要抗議WTO, 原來係因為WTO開放左佢地既市場引入競爭力, 在我地睇來當然好事, d野會平d. 但係佢地就冇啖好食, 被人剝削左d權益, 令到貧富既差距更遠, 所以先要抗議.

今天好幸運地聽到電話, 係The Face Shop叫我interview, 開心到爆, 未interview已經以為自己走得, 希望得啦, 權相佑果間話晒大公司, 又有得發展.

因為好鐘意聽架勢堂成日都覺得拆祠堂好有學術性, 所以以後都會Keep住d answer.

原子筆點解叫原子筆呢？
因為o個個時期覺得原子筆的發明好犀利，就諗一個勁 D o既名俾佢，咁個時o岩o岩有原子彈發明，原子彈咁勁，支筆又咁勁，所以就叫原子筆喇！


點解賣魚o既地方永遠都係會擺舊豆腐卜o係度呢？
豆腐卜係用 o黎吸走魚缸裡面個氣泵呼出 o黎 D 氣泡，同埋D污糟o野，等D人可以睇清楚入面D魚！！

點解古代銅錢中間個孔係方形呢？
以前o係鑄銅錢o既時候，因為銅錢o既周邊好唔齊整，所以D工匠要用銼刀修銼番佢o地。但係若果一個個銅錢去銼的確係費時失事。所以工匠就o係銅錢中間開一個孔，將一百幾十個銅錢穿o係一條棍上，一次過去銼佢o地D邊。但若果中間個小孔係圓型，銼時銅錢會轉o黎轉去，好唔方便，所以工匠將中間個小孔做成方形，穿入一條方棍上銼，咁銅錢就唔再容易轉動，方便比佢o地去修改o勒！


「有眼不識泰山」呢句說話係點o黎o架呢？
相傳春秋時代木匠先師魯班經常招收徒弟，無隔一段時間佢見徒弟不成器，就會淘汰佢。
魯班徒弟當中有個叫泰山o既年輕人，由於佢技藝唔多好，魯班為o左聲譽，所以毅然辭掉o左泰山。
幾年後，魯班行市集，見到一個攤檔擺放住一D手工好好o既竹家具，技藝達到爐火純青o既地步，仲有好多顧客搶住買o添。
魯班有見及此，好想結識呢一個竹匠，於是就打聽一 o下佢係邊個，點知人 o地話比佢知，呢位技藝高超 o既人，就係當初魯班 o既徒弟泰山。魯班大吃一驚，想起當初錯亂看泰山，深感慚愧，於是就講出「我真係有眼不識泰山啊～」呢句說話。

為左聖誕可以著靚靚, 留返個美好回憶嘛, 人大左希望影返多d相, 留返遲d可以睇. 今日出左去Shopping, 原本諗住買Christmas present, 不過太多人了, 不想進去, 等星期二去apm果邊睇下啦.
今日去旺角大有收穫, 買左兩件褸, 兩條連身裙, 一對鞋, 兩條necklace, 仲有釘左一對耳洞. 之前個洞密左, 所以想釘返, 而且之前都諗過釘耳殼, 所以今日行動. 一用就用左 5百幾, 明日仲要買Nike....冇錢啦, 聖誕大洗d啦, 下個月再儲過啦.

今日放工去左鏞記等位食燒鵝, 等左成個鐘終於有得食啦, 我地叫左燒鵝, 大良炒鮮奶, 同炸雲吞.
d燒鵝好香好味, d鮮奶好滑, 成個午餐都好好味, 正!
之後去左金鐘睇如果．愛，整體來講真係算係值得睇既港產片，當然冇紅磨坊果ｄ咁華麗咁好睇，不過張學友唱歌一ｄ都唔輸俾外國，而且金城武唔唱歌都醒起佢係台灣四大天王添，閔大人都係一個驚喜之作，佢既中文一ｄ都唔比港人差，在唱歌，跳舞方面更俾到人一種新既感覺！
之後我地仲買埋下星期六優先場既哈利波特，好Yeah可以早睇....
夜晚去佢一間cafe飲花茶，hea下，返到屋企無啦啦俾Vivian同Sindy封左我做茶后. Haha
我自己好喜歡飲茶，以前細個飲綠茶，同香片，大個响茶樓都會飲呢ｄ，不過自己就開始研究飲花茶，不過就唔係人人鐘意飲，我男友就唔喜歡．我自己就好喜歡越買越多.^^

今日阿姐繼續黑面，不過對我就少左。
阿妹好煩成日都問我幾時返澳洲，好心啦佢想買平Roxy 同　cosmetic野就自己去啦，我上個月先返來邊有咁快返去呀，無腦。今日佢又打錯 Pro Forma Invoice, Kelly打過來講，佢又講唔掂，又搵我來搞，佢次次叫我都唔會過來，只會响自己過位大喊我，我點都叫做ME呀，唔係你個賓賓，有禮貌好喎。　

放工同Hiko d 女同事去左整蛋糕係聖誕木頭蛋糕，開頭聽果時好有心機，仲 drop晒 notes，點知一整就掉轉左落蛋白同蛋黃......haha. 好在係一開始衰左，有得整過，之後個過程都幾好，個餅我果個係最好，　but我裝飾好核突，整小東西不是我強項，有個師奶又有雪人、聖誕樹、聖誕花、磨菇，好靚。我就做唔到啦，整左隻熊貓、磨菇同兩支Stick (easy)，不過final個樣都OK。
好好味，好多奶油，仲係朱古力蛋糕加咖啡味奶油（正）

今日阿姐特然發癲，問個好彩頭Sample幾時有? 我都奇怪緊張相都未影好，點整俾你呀，整完咪又退過，之後你又話ｄ運費貴啦．咁人地咁大間廠又唔係serve你一個，Vivian又要理三個mkt, 點理得你咁多呀，人地間廠見ICL單，一張得果10隻，一張成千隻，我唔識做生意都知做邊個先啦，呢ｄ冇分先後，只會分利潤既大小，咁又向Vivian同我砲轟。
之後好死唔死，佢又突然問阿May d Fan Shaped CuNi Coin幾時返? 阿May話連單都冇，死PSP做漏單，佢即時砲轟Simon，又砲轟我唔跟.......全日做左砲灰。
我知某情度上，我都有錯。不過你一個Coin唔只Coin咁簡單，又要跟cert, box咁呢ｄ緊係要足ｄ啦。我呢ｄ跟好足架，冇諗到係個coin有問題啫。
今日好唔開心做左砲灰..................><

之前都覺得ICL算OK, 都好懶or逃避去改返份Resume, 昨日終於覺得唔可以再侍下去, 改好份Resume同send去搵工, 搵左兩份o岩心水既, 不過要三年經驗.....唔理照send可能可以見下呢.
今日我更覺得自己冇錯, 越來越厭惡留在這兒, 同對住d自己唔想見既人扮冇野, 好假!

昨日原本係拍拖五年紀念日, 但係bf要去澳門做野, 所以冇出到來.....有點可惜, 不過可能太多年了所以已經覺得冇咩好慶祝既地方。或者係我們兩個都係悶人呢在家都已經覺得好好.

昨日上網又見到Meleny, 佢就快返澳洲仲會stay a year or longer, 又d 唔捨得, 不過如果俾我我都想離開呢度, 果邊生活快樂d無憂無慮. 而且佢份依家份工又辛苦, 如果有exhibition 連 weekends都要返有補假, 之前仲要OT到8幾-9幾咁夜添, 俾我實辛苦到走左. 希望你在那邊會快樂d啦!