My secret place

熱狗係點黎o既呢？
答案：以前有一個賣香腸 o既小販，因為唔想 D 顧客熱親對手，就借 D 手套俾d 顧客，但係 D 客成日都唔還手套，搞到佢蝕本 ； 於是佢就諗到用麵包包住 D 香腸賣喇！！

「十月芥菜」一詞點 o黎？
答案：因為十月芥菜 o既心比較凍，凍心、凍心 ...... 久而久之「凍心」講成「動心」，用 o黎形容女仔對男仔動心所以就叫「十月芥菜」喇！！

豹點解追捕佢 o既獵物一分鐘之後就放棄呢？
答案：因為豹 o既心肺功能比人類大十幾倍，如果佢全速跑超過一分鐘 o既話，豹 o既體溫就會狂升兼腦充血，繼而會令佢死亡！！

「荒誕」呢個詞語點 o黎 o既呢？
答案：荒誕呢個詞語 o黎自一個離奇 o既傳說。 相傳「誕」係一種小獸 o既名，呢個小獸生活 o係西南邊緣地區，佢身形似隻兔仔，但個樣同人一樣，仲識講人o既說話。 但佢所講 o既都係 D 不實之辭。例如佢講向東邊行，其實向西邊行；佢話好，其實係壞。所以 D 人成日俾佢欺騙！
「荒誕」一詞就係以呢個神話故事中演化出 o黎。 由於「誕」呢種動物鐘意撒謊（講大話）， 後 o黎 D 人就用「荒誕」o黎表示弄虛作假 ，不合常理。