My secret place

終於有一條我識啦!!!好開心.

茶包係點發明呢？
答案：以前英國一個賣茶葉 o既商人諗住寄一 d 葉俾一位客人試， 點知原本裝茶葉o既器皿用晒 ,就用d 布包住俾個客人；咁個客收到就唔小心一包跌o左落 d 水度煲, 就覺得好方便, 就話番俾個商人聽話想要o個隻茶葉 ,咁個商人知道就發明 o左茶包啦！！

雞點解又叫做「德禽」呢？
答案：因為古人認為雞有 5德:
1/ 頭戴五冠，有文德；
2/ 腳有利爪，有武德；
3/ 敵人在前，就去搏鬥，有勇德；
4/ 見到大量食物，呼叫同伴來分享，有仁德；
5/ 守夜不失，準時報曉，是信德。所以就叫「德禽」喇！！
P.S. 因此中國人以前初一係唔會食雞的。

呢條我都識, 上年雞年proposal有寫. hahaha
雞有五德，《韓詩外傳》：「君獨不見夫雞乎？首戴冠者文也，足傅距者武也，敵在前敢鬬者勇也，得食相告者仁也，守夜不失時者信也。」雞頭戴冠、足有爪、敢與敵鬬、得食相告、準時報曉等特性，分別象徵文、武、勇、仁、信五種德性，謂之「雞德」。
農曆正月初一日，定名「雞日」，為雞的生辰。據東方朔《占書》記載：「歲八日，一日雞，二日犬（狗），三日豕（豬），四日羊，五日牛， 六日馬，七日人，八日穀。」
因為第一日係雞既生日所以唔食雞。Yeah!

豬肝點解又叫「豬潤」呢？
答案：人認為豬肝 (乾) 唔吉利，所以用佢 o既相反同諧音叫「豬潤」喇！

棺材一向都係長方形，點解以前d 墳墓多數係半圓形？
答案：因為當將棺材埋 o係地底時， 如果只用泥土將墳墓填平， 一旦遇到落雨,墳墓上 o既泥土就好易被沖散，咁就好難俾掃墓 o 既子孫辨認到位置，所以以前 o既人就將先人 o既墳墓堆得圓圓凸凸o勒！！