My secret place

今日同嘉慧、Joey, 阿蘇食飯, 去了九代食, 野食都Ok, 不過因為嘉慧唔食salad dressing咁我地講明材料同沙律醬分開上, 但係個waiter又唔記得, 咁上果時我地話:「依, 唔係分開上咩, 我地講左架喎」個Waiter好搞笑咁話, 咁你地係咪一定要分開上, 要整過, 交返個決定權俾我地. 好彩嘉慧一向好人, 唔洗佢換啫. 但其實suppose呢個係佢既責任, 係佢唔記得同廚房講, 佢應該好醒咁話同我地換啦. 不過Anyway, New Year 我地好Happy 算數, 我地仲叫左支清酒飲添. ^^好高興, 仲約定左今年一定要約出來去旅行, 因為我地四個未試過一齊去旅行.
轉眼間原來我地都識左成十年, 由中學F.1同嘉慧同班, Choir識左Joey, 到F.3識埋阿蘇, 真係好難得識到既朋友可以Keep咁耐. 好多响Wollongong識既朋友甚至有d熟既, 返到來嘗試聯絡佢地都唔show我>< 所以我覺得朋友要成日Keep住contact如果唔係年紀越大, 朋友真係買少見少.
今日聽左好多十年, 因為今日係叱o宅頒獎禮, 千嬅話佢做左十年, 諗住俾自己五年, 如果唔得就返去做護士, 起碼仲有個housing allowance, 十年既努力證明佢冇錯, 佢有一班好好既Fans, 出左咁多張唱片, 同埋美好既回憶。何cc話佢都做左歌手十年, 多謝佢既父母對佢不離不棄, 每一場Show都會捧佢場, 荃灣, 紅館, even深圳。Joey話1995年參加歌唱比賽都有十年, 佢雖然入行六年, 但係比任何人都努力。我最buy佢果句係「戲子無情, 觀眾更無情」呢個moment佢地好喜歡你, 但係只要你有一日做左一個mistake, 佢地就可能離開你。
歌手既生命好短暫, 全靠觀眾點睇. 還記得以前有很多歌手, 起得快但走得更快。Shine, 葉佩雯, 何嘉莉......佢地都曾經紅過, 但係依家已經唔知去左邊。