My secret place

點解醫院清潔要用漂白水而唔用消毒藥水呢？
答案：為漂白水除 o左可以殺細菌之外，仲可以殺病毒，而消毒藥水只可以殺細菌，所以就一定用漂白水喇！！
點解烏蠅成日都會搓自己隻腳呢？
答案：因為烏蠅 o既味蕾生 o係腳度，而佢 o地成日飛 o黎飛去有好多污糟 o野阻住d味蕾，所以佢 o地要捽走 d 污糟 o野喇！！
點解俾老細降職會叫做燉冬菇呢？
答案：因為香港初時警察頂帽成個冬菇咁，當 d CID 被降職做返軍裝時，又要戴返頂冬菇帽，所以 d 人就會笑佢返去"燉冬菇"喇 ！！
點解錢甖英文會叫 piggy bank 而唔叫 doggie bank 或者其他 bank 呢？
答案：o係 15 世紀 o既英國，多數人都會用陶泥 o黎造 o既杯碟去裝食物，呢 d 價錢較為平 o既陶泥器皿叫做 pygg!而當時 d 女人都鍾意將私己錢放入陶泥做 o既錢甖入面，佢o地仲叫呢 d 做"pygg bank "或者"pyggy bank"！！大約 o係 200 年之後，呢種 pygg bank 唔再興，當時有一個陶藝家接到一個 order 做"pyggy bank "，佢以為係做形狀似豬 o既甖， 點知做完出黎呢個豬仔錢甖好受歡迎； 之後大家就將錢甖做成豬仔咁o既樣，仲索性將個名改為" piggy bank"o 添！！